રાજકોટમાં મેકડોનાલ્ડ્સની બેદરકારી..! વેજના બદલે નોનવેજ બર્ગર ડિલિવર કર્યું, ભૂલ સમજાતા માફી માગી : Rajkot News

McDonald's Negligence in Rajkot: રાજકોટના રિલાયન્સ મોલમાં આવેલા મેકડોનાલ્ડ્સમાં એક ખૂબ જ ગંભીર બેદરકારી સામે આવી છે. જેમાં ગ્રાહકને વેજ બર્ગરને બદલે નોન-વેજ બર્ગર આપવામાં આવ્યું હોવાનું સામે આવ્યું છે. એટલું જ નહીં, વૈષ્ણવ ગ્રાહકના પરિવારના એક સભ્યએ ભૂલથી નોન-વેજ બર્ગર ખાધું હતું. બાદમાં, જ્યારે તેમને આ વાતની જાણ થઈ, ત્યારે તેમની ધાર્મિક લાગણીઓને ઠેસ પહોંચી હતી, જેના કારણે ગ્રાહકે ગ્રાહક કોર્ટમાં ફરિયાદ નોંધાવવાની તૈયારી શરૂ કરી દીધી છે. જોકે, બીજી તરફ, મેકડોનાલ્ડના સંપર્ક અધિકારીએ આ અંગે ગ્રાહક અને જનતાની માફી માંગી છે.

► વૈષ્ણવ ધર્મ પાળતા પરિવારના સભ્યનો ધર્મભ્રષ્ટ થયો!

રવિવારે કેવલ વિરાણી નામના એક યુવકે સ્વિગી ડિલિવરી એપ દ્વારા મેકડોનાલ્ડ્સમાંથી તેના પરિવાર માટે 6 વેજ બર્ગર મંગાવ્યા હતા. જેમાંથી પાર્સલમાંથી 4 વેજ અને 2 નોન-વેજ બર્ગર નીકળ્યા હતા. પરિવારના એક સભ્યએ ભૂલથી નોન-વેજ બર્ગર ખાધું હતું. મેકડોનાલ્ડ્સની આ ભૂલથી વૈષ્ણવ ધર્મ પાળતા પરિવારના એક સભ્યને એવું લાગ્યું કે તેનો ધર્મ ભ્રષ્ટ થઈ ગયો છે. પીડિત ગ્રાહકે આ અંગે ગ્રાહક કોર્ટમાં કેસ દાખલ કરવાની પ્રક્રિયા શરૂ કરી છે. ગ્રાહકે ઓનલાઈન વેજ બર્ગરનો ઓર્ડર આપ્યો હતો.

► મેક ડોનાલ્ડના લાઈઝનિંગ ઓફિસરે માગી માફી 

મેક ડોનાલ્ડના લાઈઝનિંગ ઓફિસર બીપીનભાઈ પોપટએ જણાવ્યું હતું કે અમારા લેવલે અમે તપાસ કરી રહ્યા છીએ અમારે દરરોજ ના અનેક ઓર્ડર આવતા હોય અમારા સ્ટાફ થી ભૂલ થઈ ગઈ હોય અમારો કોઈ ઈરાદો કોઈના ધર્મ ભ્રષ્ટ કરવાનો કોઈ જ ઈરાદો હોતો નથી.સરકારના વેજ-નોનવેજના નિયમ મુજબ ચાલીએ છીએ.અમે પણ વૈષ્ણવ સંપ્રદાયમાંથી આવીએ છીએ.જવાબદાર સ્ટાફ સામે કાર્યવાહી કરીશું.અમારાથી ભૂલ થઈ માફી માગીએ છીએ.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , McDonald's Negligence in Rajkot: mcdonalds in rajkot reliance mall served a non veg burger with chicken instead of a veg burger apologized for hurting religious sentiments - mcdonalds mistake in Rajkot